Suudu kasu wonndu ley ngeenndi Ɲono (reason Segu) yenaama keeɲen alkamisaare 2 lewru Janwiye hitaande 2020 wattu bottaariiji; yimƂe yenuƂe dow suudu kasu ndu anndaaka kaa Ƃe ngardii toon e malfe.Faanda maƂƂe yo yaltinde hono yimƂe uddaaƂe ley kasu toon Ƃee.HaybooƂe suudu kasu ndu accaali Ƃe njuha Ƃe sabi bomƂe Ƃee tawii eƂe lanndini faa sanne, eƂe njeertanii huunde fuu ko waawi warde e maƂƂe.Ɓe keƂii warde gooto e bomƂe, yimƂe taton duu mbarminaama e ley haybuƂe suudu kasu ndu Ƃee, ɗum woni ko jeeyngal hooreeƂe soldaasi’en ngal holliti.
KeƂen anndude deeƴere wartii toon, nenno fey e gooto e ley uddaaƂe kasu Ƃee heƂaali dogude. Ɗum woni laabi ɗiɗi joonen ko suudu kasu Ɲono ndu ana yenee, e ley lewru Deesaamburu hitaande 2016 nde,bomƂe njeniino e suudu kasu nduun,e ley majjum Ƃe mbarii haybooƂe kasu ɗiɗon toon so Ƃe ndaɲi udditinde suudu kasu nduu, heewƂe e yimƂe uddanooƂe toon Ƃee fuu njaltii.E ley lewru Noowaamburu hitaande 2017 nde, bomƂe Ƃee keƂii nanngude juju Ɲono biyeteeɗo Sunngalo Kone faa suudu mum, yonki juju on heddike e juuɗe maƂƂe ɲennde 24 lewru Janwiye hitaande 2019.
Ndeenno laawol joonen ngol bomƂe Ƃee keƂaali wune, kaa ɗum e wonde jamaare nde e laamu oo fuu ana kaani jeertanaade juujuure wattu kala salla bomƂe wonduƂe e yuppude ƴiiƴameeji ley leydi men ndi Ƃee ana keƂa nanngeede salla leydi men ndi ana deeƴa.
Mahammadu Samake
AMAP-Ɲono
Muusa Sanngo
